ISO 14001

ISO 14001

Систем за управување со животната средина ISO 14001 е модел на систем за управување заснован на принципот на постојано подобрување. ISO 14001 е стандард кој бара учество на сите вработени на сите нивоа на организацијата, особено на врвниот менаџмент. Суштината на системот е да се идентификуваат аспектите на животната средина, како и законодавните и другите барања кои се однесуваат на тие аспекти и соодветното управување со тие аспекти. Главната задача на стандардот е да ја поддржи заштитата на животната средина и спречувањето на загадувањето на начин што ќе ги земе предвид социо-економските потреби.

Што е ISO 14001?

Стандардот ISO 14001 е за сите организации, без разлика на нивниот вид и големина. Овој стандард може да го користи секоја организација која има за цел да:

• воспостави, спроведе и одржува систем за управување со животната средина
• постапува во согласност со својата воспоставена политика за животна средина
• покаже дека е во согласност со барањата на стандардот преку самопроценка и самоизјавување, како и преку потврда од трети страни вклучително и акредитирани тела за сертификација.

Придобивките од сертификацијата

• ISO 14001 е важна деловна предност
• остварување потенцијални заштеди и намалувања на потрошувачката на енергија и суровини
• намалување на трошоците за отстранување на отпадот
• пониски давачки поврзани со користењето на природните ресурси
• пониски цени за осигурување кои произлегуваат од намалувањето на ризикот
• подобрување на управувањето со организацијата (планирање, поставување цели, задачи и програми)
• намалување на штетното влијание врз животната средина
• структуриран начин на кој се спроведуваат информациите и комуникацијата
• зголемена доверба на засегнатите/заинтересираните страни
• редовни внатрешни и аудити од трета страна за брзо да се идентификуваат слабостите
• Избегнување тужби (на пр. во врска со еколошка штета, несреќи)